Иран БҰҰ Қауіпсіздік кеңесінің қарарымен енгізілген ядролық бағдарламаға қатысты шектеулерден ресми түрде бас тартты.
Тегеранның мәлімдеуінше, келісім мерзімі аяқталған, сондықтан оның барлық ережелері күшін жойды. Еске сала кетейік, бұл келісім 2015 жылы қабылданды және ядролық бағдарламаны шектеу шартымен Иранға қарсы санкцияларды тежеуді қарастырған. Иран еуроүштікті келісім талаптарын бұзып, санкцияларды қайта енгізуге тырысты деп айыптады. Соған қарамастан билік мәселені дипломатиялық жолмен талқылауға әлі де дайын екенін мәлімдеді.
