Президент тапсырмасына сәйкес құқықтық рәсімдерді жеңілдету және азаматтар үшін сот төрелігінің қолжетімділігін арттыру бойынша жұмыс жүріп жатыр.
Әділет министрі Ерлан Сәрсембаевтың айтуынша, бүгінде электрондық форматтағы мемлекеттік қызметтер спректрі кеңейді. Азаматтар цифрлық платформалар арқылы соттар мен мемлекеттік органдарға жүгінуге мүмкіндік алды. Бұл бюрократияны азайтып, уақытты үнемдейді, деді ведомство басшысы.
Ерлан Сәрсембаев, ҚР Әділет министрі:
- Бұрын заңсыз әрекеттерді дәлелдеу және барлық инстанциялардан өту қажеті болса, енді атқарушылық іс-әрекеттердің ашықтығы мен цифрлық шешімдердің мүмкіндігін есебінен белгіленген рәсімдердің бұзылуы бірден анықталады. Ал азаматтар заңсыз әрекетке тікелей жүгіне кезінде 1 кнопканы басу арқылы шағымдана алады. Осылайша «заң мен тәртіп» идеологиясына сүйене отырып, әділ заңдардың қабылдануға ғана емес, олардың сапалы орындалуы қамтамасыз етіледі.
Президенттің тағы бір тапсырмасы – әділ сот төрелігінің кепілдіктерін нығайту. Қазір Үкімет, адам құқықтары мен бостандығын қорғауға ерекше ден қойды. Бүгінде кемсітушілікке қарсы қимылға, халықтың осал топтарын қорғауға және әділ сот төрелігінің кепілдігін күшейтуге қатысты жаңа тетіктер енгізіліп жатыр.
Ерлан Сәрсембаев, ҚР Әділет министрі:
- Құқықтық сараптама жүргізу кезінде барлық құқықтық қатынастары субъектілері бірдей құқықтық жағдайға ғана ие болуы керек және олардың арасындағы кез келген айырмашылық объективті және ақылға қонымды негіздемеге ие болуы керек. Бұл дегеніміз белгілі бір нормаларды енгізу кезінде құқықтық мониторингтің нәтижелері ескеріледі және құқықтық даму практикасы қалай қалыптасатыны іс жүзінде құқықтық қатынастар субъектілерінің мінез-құлқының нақты ережелері ескеріледі.
