Перу Чилимен шекарада төтенше жағдай жариялауға ниетті. Бұған елден жаппай қоныс аударып жатқан мигранттар себеп.
Жағдай 14 желтоқсан күні Чилиде өтетін президент сайлауы қарсаңында шиеленісе түсті. Сайлауға қатысатын Хосе Антонио Каст заңсыз мигранттарды депортациялау жоспары туралы мәлімдеме жасаған еді. Кейін жүздеген адам Перу шекарасына қарай ағылды. Қазір шекарада 500-ге жуық мигрант жиналған. Перу билігі әскер мен полицияны жұмылдырды.
