Биыл Ұлттық банк пен екінші деңгейлі банктер қаржы айналымында жүрген 138 жалған төлем құралын анықтады. Оның үшеуі монета, қалғаны – банкнот. Жалпы сомасы 690 мың теңге қолдан жасалған. Бұл былтырғы дәл осы кезеңмен салыстырғанда екі жарым есе көп.
Заңсыз банкноттардың ең көп номиналы 5 мың теңге. Одан кейін 10 мың мен 2 мыңдық тұр. Алаяқтар жалған ақшаны басып шығару үшін көбіне қарапайым баспа қағазын қолданған.
