Кенияда көшкіннен 21 адам опат болды  

Кенияның батысында толассыз нөсер соңы лай көшкініне ұласып, 21 адам опат болды. Тағы 30 тұрғын із-түссіз жоғалып кетті. Биік жотадан аққан лай-батпақ бір елді мекенді түгел шайып кеткен.

Ауыр жарақат алған 25 адам ауруханаға тікұшақпен жеткізілді. Баспаналары қирап, жапа шеккен тұрғындар қауіпсіз жерге көшірілді. Апат ауданында іздеу-құтқару жұмысы жүріп жатыр.