Петропавлда Конституция күніне орай шапандар шеруі ұйымдастырылды.
Дәстүрлі ою-өрнектермен көмкерілген ұлттық киім киген қыз-жігіттер қаладағы Қазақстан Конституциясы атты жаяу жүргіншілерге арналған көшемен жүріп өтіп, көпшіліктің көзайымына айналды. «Бұл халықтың ұлттық құндылықтарға деген құрметін арттырып, ата-бабадан мирас болып келе жатқан мұраны дәріптеуге мүмкіндік береді», — дейді қатысушылар. Сонымен қатар олар ашық аспан астында домбырамен күй шертіп, тұрғындарға мерекелік көңіл-күй сыйлады.
Тәрбие Айдымбаева, ұйымдастырушы:
- Ұлттық киімімізді ұлықтап, бүгінгі күні бірнеше тарихи киімдерімізбен қатар, күнделікті киюге арналған киімдерімізді көрсетеміз деп ойлаймыз. Бүгін 30 жуық киім үлгілерін көрсетеміз.
