Елге келген әр туристің қауіпсіздігі маңызды. Сол себепті шетелдік меймандарға арнайы QR-коды бар туристік карта беріледі, деп хабарлайды 24kz.
«Бұл бастама шетел азаматтарының қауіпсіздігін қамтамасыз етіп қоймай, еліміздің туристік инфрақұрылымын жетілдіруге мүмкіндік береді», — дейді мамандар. Арнайы карталар Астана мен Алматы қалаларындағы халықаралық әуежайларда, сондай-ақ Түркістан облысындағы «Қапланбек» шекаралық бақылау бекетінде таратылып жатыр. Қонақтардың жайлылығы үшін Safe-travel.kz мобильді платформасы да іске қосылды.
