Бүгін Оңтүстік Кореяда президент сайлауы өтіп жатыр. Азаматтар былтыр әскери жағдай енгізуге тырысқаны үшін биліктен шеттетілген Юн Сок Ёлдің орнына жаңа басшыны таңдауы тиіс.
Жеңіске екі кандидат үміткер. Олардың бірі – Демократиялық партияның жетекшісі Ли Чжэ Мён, екіншісі – консерваторлар өкілі Ким Мун Су. Әзірге Ли Чжэ Мён фаворит саналады. Соңғы сауалнама нәтижелеріне қарағанда, оны сайлаушылардың жартысы қолдайды.
Айта кетейік, сайлау бір турмен өтеді. Қарапайым көпшіліктің дауысын жинаған кандидат бірден президент атанып, елдің атқарушы билігін басқарады.
