Жыл басынан бері елордада самокат пайдаланушыларының салғырттығынан 5600 құқықбұзушылық тіркелді , деп хабарлайды 24kz.
31 жол-көлік оқиғасы орын алған. Оның 18-іне кәмелетке толмағандар себепші болды. Осы орайда бас қалада арнайы рейд жұмыстары жалғасып жатыр. Жаңа оқу жылы алдында, әсіресе, балалардың қауіпсіздігіне көңіл бөлінеді. Сондықтан тәртіп сақшылары мектеп маңында профилактикалық шараларды күшейтті.
Ержан Әділбеков, Астана қаласы ПД Жергілікті полиция қызметі басқармасының бастығы:
- Самокатпен жүру белгілі бір қауіп-қатерге толы: жылдамдықты асыру, жолды белгіленбеген жерден кесіп өту, бағдаршамның сигналдарын елемеу – мұның барлығы самокат жүргізушілерінің өзіне де, айналасындағыларға да қауіп төндіреді. Елорда полициясы азаматтарды жол қозғалысы ережелерін сақтауға және жолдағы қауіпсіздіктің әрбір адамның тәртібіне байланысты екенін ұмытпауға шақырамыз.
