Қазақстан мен Астрахань облысының арасындағы сауда айналымы арта түспек. Екі елдің арасында ортақ ірі жобалар қолға алынды. Қазақстанның Ресейдегі елшісі Дәурен Абаев бастаған делегация өңірге жұмыс сапарымен барып, әріптестікті кеңейту мәселесін қарастырды.
Астрахань облысы үшін Қазақстан басты сауда серіктестердің бірі. Өңірдің Атырау облысымен сауда айналымы 340 миллион долларға жеткен. Сондай-ақ «Атырау-Астрахань» автомагистралінің әріптестік үшін маңызы зор.
Дәурен Абаев, Қазақстан Республикасының Ресей Федерациясындағы Төтенше және өкілетті елшісі:
Өткізу пункттеріндегі жөндеу жұмыстарынан соң, әріптестік көкжиегі кеңейеді деп ойлаймын. Қазірдің өзінде жүк ағынының саны артты. «Солтүстік Оңтүстік» дәлізінің де екі тарап үшін пайдасы мол болады. Одан бөлек, өзге де салаларда ынтымақтастығымызды бекіте түсу маңызды.
Игорь Бабушкин, Астрахань облысының губернаторы:
«Қараөзек» бекетінде трансшекаралық сауданы дамытқымыз келеді. Атырау облысына үлкен делегациямен баруды жоспарлап отырмыз. Онда кәсіпкерлермен біздің жол картасы қалай жүзеге асып жатқанын талқылаймыз.
Астрахань облысының логистикалық мүмкіндіктерін пайдалану керек. Осы арқылы сауда қарым-қатынастары мен көлік инфрақұрылымын нығайтуға мүмкіндік бар.
Анатолий Ульянов, Астрахан теңіз портының бас директоры:
Қазақстанмен әріптестігіміз әрқашан жоғары деңгейде. Әсіресе, екі ел де Каспий теңізінде орналасқаны маңызды. Сондықтан біз астық бойынша ортақ жобаны қолға алдық.
Сапар барысында Каспий теңізінің тартылуы мәселесі де назардан тыс қалған жоқ. Теңіздің маңындағы бес елде 250 млнға жуық адам тұрады. Сондықтан теңіздің әлеуетін тиімді пайдалану маңызды. Қазақстандық делегация Каспий маңы мемлекеттерінің Х медиафорумында да өз пікірімен бөлісті.
Индира Бегайдар
