Бүгін, жаздың соңғы күні, 31 тамызда Алматының Көк-төбесінде «Жаңа адамдар қозғалвсының»«Жаңа ритмге қосыл» дауылпаздар фестивалі өтті, деп хабарлайды Skifnews.kz ақпарат порталы.
Мерекелік кеште белсенділер, дауылпаздар, дарбуктар, драм-падтар мен перкуссияда ойнайтын музыканттар жиналып, қала тұрғындарымен бірге бір күшті ырғақты кеш жасады. Әрбір қонақ әрекеттің бөлігі болып, өзгерістер ырғағын бастады, өйткені әрбір өзгеріс әр адамның өзінен басталады.
Елдің жаңа ырғағы адамдардан басталады. «Жаңа ритмге қосыл» азаматтық науқаны өзгерістердің өзімізден басталатынын көрсетеді.
Дауылпаздың үні — жай әуен ғана емес. Ол – жаңа мәдениеттің оянуының — жауапкершілік, жасампаздық және алға ілгерілеу мәдениетінің символы.
Шараға қатысушылар өз әсерін бөлісіп, керемет эмоция алғандарын айтуда.
Ал «Жаңа адамдар» қозғалысының белсендісі Нұрай Өмірзақова бүгінгі шараның мақсаты — барша қазақстандықтарды бір ритмде үндейтінін айта кетті.
«Бүгінгі шараның атауы «Жаңа ритмге қосыл» деп аталады. Фестиваль жаңа адамдар шығарған, жаңа азаматтық науқан, яғни шараның басты мақсаты — белгілі бір шараны ұйымдастырып, сонымен ғана шектелу емес, өзгерістердің өзімізден басталатынын түсіндіру. Сондай-ақ, мен және Қазақстанның арасында ешқандай шекара жоқ, яғни елде болып жатқан барлық өзгерістердің, барлық үдерістің маған қатысты екенін көрсету. Яғни өздеріңіз көріп тұрғандай, барабандар шоуы, дауылпаздардың үні, әртүрлі белсенділіктегі нүктелер арқылы біз бір ғана нәрсені айтамыз — Мен Қазақстанмын!», деді белсенді.
Оның айтуынша, бүгінгі шараға 200-ден аса белсенді қатысуда. Сондай-ақ, бүгінгі атаулы фестивальдің ең басты элементі — «Қазақстан футболкалары».
«Осы футболкаларды ең бірінші сәтте өзгерістер өзімізден басталады, мен болашағыма өзім ғана жауап беремін, біреу мен үшін шешім қабылдайды деп күтпеймін, өзгерістер тек өзімнен ғана басталады. Менің әрекетім, менің таңдауым, менің шешімім жасампаздық мәдениетін құрады. Айта кетейік, бұл біздің бірінші жобамыз емес, бұған дейін де талай іс-шараның басы-қасында жүрміз. Осы 3 жыл шамасында Президентіміз Қасым-Жомарт Тоқаевпен де кездесіп үлгердік, су тасқыны кезінде халықтың жанынан табылдық. Біздегі азаматтық науқандардың ең басты мақсаты — осындай шаралар арқылы өзімізге ғана емес, бүкіл елге үндеу айтамыз: «Қанекей, бәріміз бірігейік, бәріміз бір Қазақстанбыз! Өзгерістерді өзімізден бастайық», деп қорытындылады ол.
Фестиваль бір алаңда өзгерістерге қуаттайтын дүниенің бәрін біріктірді. Сахнада барабан каверлері ойнап, басқа нүктеде драм-падтағы драм-баттлдар қызуда, ал диджей перкуссиямен ырғақтарды араластыруда. Жанында африкалық барабандардың үні естіліп, брейк-данс баттлдары қызып жатыр, ал ашық студияда жаңа тректер мен фристайл дүниеге келуде. Фестиваль өз ырғағында қозғалуда және әркім оның бір бөлігіне айнала алады.
Сонымен қатар шараны ұйымдастырушылардың бірі Қуаныш Алмат та фестивальді ұйымдастырудың басты мақсатын атап өтті.
«Бүгін 31 тамыз күні Алматыдағы Көктөбеде барабан перформансы және «Жаңа ритмге қосыл» жаңа азаматтық науқанының таныстырылымы өтіп жатыр
Науқанның мақсаты — жарқын музыкалық көрсетілімдер арқылы қала тұрғындарын ел өміріне кірістіру, айналада болып жатқанның бәріне жасампаз түрде қатысуға шақыру.
Фестивальдің басты элементі – Qazaqstan футболкасының таныстырылымы болады. Бұл — жаңа дүниетаным бейнесінің көрнекі манифесті, «Мен» және «Қазақстан» арасында шекара болмайтынын көрсетеді. Өйткені, Мен — Қазақстанмын, елде болып жатқанның бәрі маған қатысты», — деді ол.
Әрбір таңдау, әрбір сөз және әрбір әрекет елдің мәдениеті мен болашағын қалыптастырады. Qazaqstan футболкасы еске салады: мен басқалардың шешімін күтпеймін, жауапкершілікті өзіме аламын. Мен — Қазақстанмын!
