2026 жылғы сәуір айында Қазақстанда айлық инфляция 0,8% деңгейінде қалыптасты. Бұл ретте азық-түлік тауарларының бағасы 0,7%, азық-түлік емес тауарлар мен ақылы қызметтер бағасы 0,9%-ға өсті, деп хабарлайды Egemen.kz.


Азық-түлік нарығындағы өзгерістер

Азық-түлік өнімдері ішінде кейбір тауарлардың бағасы төмендегені байқалды. Атап айтқанда, банан мен апельсин 3%-ға, көк шөп пен үрме бұршақ 0,6%-ға, зефир 0,5%-ға, ал кептірілген өрік 0,4%-ға арзандады.

Сонымен қатар, бірқатар өнім қымбаттады. Жүзім бағасы 5,6%-ға өссе, сары май мен карамель 1,2%-ға, картоп 0,8%-ға, сүзбе 0,6%-ға қымбаттаған. Сондай-ақ орама өнімдері мен кекстер 0,4%-ға, лимон мен жасымық 0,3%-ға өсті.

Жыл соңына қарай инфляция 10%-ға дейін төмендейді

Азық-түлік емес тауарлар

Азық-түлік емес тауарлар нарығында да баға өзгерістері тіркелді. Кір жуғыш машиналар 1,2%-ға, парацетамол 0,8%-ға, контакт линзаларына арналған ерітінді 0,7%-ға, блендер 0,6%-ға, теледидарлар 0,4%-ға арзандаған.

Ал керісінше, кейбір тауарлар қымбаттаған: қол сағаттары 4%-ға, цемент 2,4%-ға, жеке гигиена өнімдері 1,5%-ға, жуғыш және тазартқыш құралдар 0,7%-ға өсті.

Қызмет көрсету саласы

Ақылы қызметтер секторында туристерге арналған медициналық сақтандыру 1,9%-ға арзандады. Клининг қызметтері 0,8%-ға, косметолог қызметтері 0,7%-ға қымбаттаса, компьютерлер мен ноутбуктарды жөндеу қызметі 0,3%-ға өсті.

Жылдық инфляция 10,6%

Жылдық есепте 2026 жылғы сәуірде инфляция 10,6%-ды құрап, наурыз айымен салыстырғанда 0,4 пайыздық тармаққа баяулаған.

Бұл кезеңде азық-түлік емес тауарлар 11,7%, азық-түлік тауарлары 11,3%, ал ақылы қызметтер 8,9%-ға қымбаттады.

Баға динамикасындағы өзгерістер

Жылдық көрсеткіште кейбір өнімдер арзандаған: қырыққабат 24,4%-ға, сарымсақ 7,8%-ға, қызылша 4,7%-ға, банан 1,7%-ға төмендеген.

Ал алмұрт 10,8%-ға, бал 9,1%-ға, мармелад 7,6%-ға, ашытқы 7%-ға, құмшекер 4,2%-ға қымбаттаған.

Азық-түлік емес тауарлар арасында үтік 20,7%-ға, тіс пастасы 14,6%-ға, зарядтау құрылғылары 6,8%-ға, дастархан 6,4%-ға, ас үй пышағы 2,5%-ға өскен.

Қызметтер ішінде заңгерлік қызметтер 10%-ға, байланыс қызметтері 3,2%-ға қымбаттаған.

Олжас Бектенов: Инфляция деңгейін төмендету саясаты жалғасады

Инфляцияны есептеу

Тұтыну бағаларының индексі ай сайын есептеледі. Бақылау 537 тауар мен қызмет түрі бойынша жүргізіледі. Инфляция динамикасы бойынша мәліметтер арнайы интерактивті дашбордта 2018 жылдан бері қолжетімді.

2025 жылдан бастап тұтыну бағалары индексіндегі үлес құрылымы мынадай: азық-түлік тауарлары – 41,1%, азық-түлік емес тауарлар – 28,4%, ақылы қызметтер – 30,5%.