Қысқы демалысты белсенді өткізгенге не жетсін? Елде тау-шаңғы курорттарында, мұз айдындарында сырғанаушылар көбейді.
Әлеуетті өңірлер де бұл мүмкіндікті қалт жібермей, кәсіпкерлер ыңғайлы демалыс орындарын жасақтауда. Әсіресе Алматыдағы тау-шаңғы курортына қазақстандықтар ғана емес, шетелдік меймандар да жиі барады. «Жаз айларында да мұнда қонақ аяғы үзілмеген. Қыста еселене түседі», — дейді мамандар. Бурабай, Баянауыл, Қатонқарағай да көпшілікті ғажап көрінісімен баурап алады. Шығыстағы «Алтай альпілері» де қысқы демалысты қызықты өткізуге таптырмас мекен. Мамандар елде туризм дамып жатқанын айтады.
