Қазақстанда 2026 жылғы 1 қаңтардан бастап мобильді аударымдарды бақылаудың жаңа талабы енгізіледі. Мемлекеттік кірістер комитеті қандай өзгерістер болатынын түсіндірді, деп хабарлайды Zakon.kz.
Бұған дейін тек аударымдар саны ескерілетін — қатарынан 3 ай ішінде әртүрлі адамдардан 100 және одан көп аударым.
Енді тағы бір шарт қосылады:
- осы 3 айдағы жалпы түсім көлемі 12 ең төменгі жалақыдан асуы керек (1 020 000 теңге).
- Қай кезде кәсіпкерлік қызметтің белгісі туындайды
Егер сіздің жеке аккаунтыңызға (бизнеске арналмаған):
- 3 ай қатарынан 100 әртүрлі адамнан ақша түссе
- және жалпы сомасы 12 ЕТЖ-дан асып кетсе
Онда мұндай операциялар кәсіпкерлік табыстың белгісі бар деп есептеледі.
