Жерасты дүмпулері көршілес аудандарда да сезілген.
Антальяда магнитудасы 4,9 болатын жер сілкінісі болды, деп хабарлайды inbusiness.kz сайты "РБК" агенттігіне сілтеме жасап.
Зілзала Анталья провинциясындағы Серік ауданында тіркелген. Бұл туралы Түркияның Төтенше жағдайлар департаменті X әлеуметтік желісінде жазды. Жер сілкінісі Астана уақыты бойынша сағат 15:21-де болды. Жердің дүмпу ошақтары 28 км тереңдікте орналасқан.
Төтенше жағдайлар департаменті жер сілкінісінің салдары туралы ақпаратты жарияламады. NTV телеарнасы жерасты дүмпулері көршілес аудандарда да сезілгенін хабарлады.
8 желтоқсанға қараған түні Антальяның Коньяалты ауданында магнитудасы 4,3 болатын жер сілкінісі тіркелді. Ол 20 км тереңдікте болды.
