Бүгін Алматы қаласының Жас-Қанат шағын ауданы Хасанғалиұлы көшесіндегі шаруашылық құрылысы мен дүкеннен өрт шыққан. Қызыл жалын 80 шаршы метр алаңды шарпыған. Өрт сөндірушілер оқиға орнына жедел жетіп, оның тұрғын үйге таралуына жол бермеді, деп жазады Egemen.kz.
Өрт шыққан нысандардан 3 газ баллоны қауіпсіз жерге шығарылған. Өртті сөндіруге Төтенше жағдайлар министрлігінің 31 қызметкері мен 8 техника жұмылдырылған.
Оқиға орнында болған 5 адам медициналық көмекке жүгініп, барлығы ауруханаға жеткізілген.
Құтқарушылар қыс маусымында өрт қауіпсіздігі ережелерін қатаң сақтауға кеңес беріп отыр.
