Калифорниядағы атыс салдарынан төрт адам қаза тауып, 10 адам жараланды, — деп хабарлайды Massaget.kz тілшісі Los Angeles Times басылымына сілтеме жасап.
Оқиға сенбіде кешке Стоктон қаласындағы банкет залында өткен отбасылық мереке кезінде болған. Қаза тапқандар мен жарақат алғандардың арасында ересектер де, балалар да бар. Күдікті әлі бостандықта жүр.
Шериф кеңсесінің баспасөз хатшысы Хизер Бренттің айтуынша, алдын ала тергеу бұл оқиғаның әдейі жасалған шабуыл екенін көрсетті. Сондай-ақ, тергеушілер басқа да нұсқаларды қарастырып жатыр.
Куәгерлердің сөзіне қарағанда, шабуыл жасаған адамның бойы шамамен 170 сантиметр. Ол қара шалбар киген.
Стоктонның вице-мэрі Джейсон Лидің мәліметінше, атыс баланың туған күні кешінде болған.
Жаңалықтарды бәрінен бұрын біліп отырғыңыз келсе, Telegram-арнамызға жазылыңыз!
