Қазақстанның Азаматтық авиация комитеті Airbus әуе кемелеріндегі бағдарламалық қамтамасыз етуді жаңарту жұмыстары 29 қараша күні толық аяқталатынын мәлімдеді.
Сағат 15:00-дегі жағдай бойынша 23 әуе кемесінде жаңарту орындалған, ал қалған 8 ұшақта (Ақтауда – 1, Астанада – 3, Алматыда – 4) жұмыс жоспарлы түрде жүріп жатыр және бүгін аяқталады, деп хабарлайды inbusiness.kz сайты.
Жалпы бақылауда 38 Airbus әуе кемесі тұр. Оның ішінде:
– 5 ұшаққа жаңарту қажет емес;
– 2 әуе кемесі C-Check техникалық тексерісінде.
Астана және Алматы халықаралық әуежайлары штаттық режимде жұмыс істеп, рейстер кесте бойынша орындалуда.
“Рейстердің кешігуі жағдайында жолаушыларға көмек көрсету үшін тәулік бойы жұмыс істейтін колл-орталық іске қосылды”, – делінген хабарламада.
