Қаржы министрлігіне қарасты Қазынашылық комитетін ресми қайта тіркеу рәсімі аяқталды. Бұдан былай ведомство Қазақстан Республикасы Қаржы министрлігінің Мемлекеттік қазынашылық комитеті деп аталады. Бұл туралы ведомствоға сілтеме жасаған KAZ.NUR.KZ хабарлайды.
"Бұл – бюджеттік процестердің ашықтығы мен тиімділігін арттыруға бағытталған реформалардың бір бөлігі болып табылады.
Жаңа атау комитеттің мемлекеттік қаржыны басқарудағы маңызды рөлі мен мәртебесінің биіктеуін айқындайды", — делінген хабарламада.
Ведомствоның мәліметінше, комитет атауының өзгеруі қызметкерлердің штат санын немесе мемлекеттік бюджеттің қосымша шығындарын ұлғайтуға әкеп соқпайды.
Комитет атауын өзгерту туралы шешім Қазақстан Республикасы Қаржы министрінің 2025 жылғы 3 қазандағы №565 бұйрығымен бекітілген.
Мәтіннен қате тапсаңыз, бізге жазыңыз
