Желіде оқиға орнынан түсірілген бейнежазба тарады.
Миланда өткен "Интер" мен "Қайрат" арасындағы матч кезінде екі команданың жанкүйерлері төбелесіп қалды, деп хабарлайды inbusiness.kz сайты.
Екі команданың жанкүйерлері арасындағы төбелес видеоға түсіп қалды. Куәгерлердің сөзінше, футболсүйер қауым бір-бірімен сөзге келіп қалған. Көп ұзамай соңы төбелеске ұласқан.
Алдын ала мәліметке сәйкес, жанжал екінші таймда болған.
Айта кету керек, бұған дейін "Қайрат" клубы "Интерге" 1:2 есебімен жеңілгенін жазғанбыз. 44-минутта Лаутаро Мартинес есеп ашып, "Интерді" алға шығарды. 56-минутта "Қайрат" ойыншысы Офри Арад бұрыштамадан көтерілген допты баспен дәл бағыттап, таразы басын теңестірді.
67-минутта Карлос Аугустоның алыстан бағыттаған соққысы Темірлан Анарбеков қорғаған қақпадан табылып, жеңіс "Интерге" бұйырды.
