Аймақта 206 педагог жетіспесе, қазіргі күні білім ордаларында 800-ге жуық зейнеткер мұғалім қызмет атқарады .
Осылайша, Солтүстік Қазақстан облысында білім саласындағы кадр тапшылығы азаймай тұр, деп хабарлайды inbusiness.kz сайты.
Qazaqstan Media сайты аймақта әсіресе, математика, физика, ағылшын тілі мұғалімдері, психологтар мен әлеуметтік педагогтарға сұраныс жоғары екенін жазады.
Жас мамандардың жоқтығынан мектептер зейнеткерлер мен қосымша жұмыс істейтін педагогтарды тартуға мәжбүр. Мысалы, мектеп жасындағы 24 директор қызмет атқарып жүр. Қазір облыстың білім беру ұйымдарында 785 зейнеткер сабақ береді, олардың 113-і Петропавл қаласында жұмыс істеуде.
Осыған дейін отандық БАҚ аталған облыста әр оныншы мектеп директорсыз жұмыс істеп жатқанын және аймақтың білім саласында 985 вакансия жарияланғанын жазған еді.
Айта кетейік, Петропавл қаласында мұғалімдердің орташа жалақысы – шамамен 223 мың теңге. Ауылдық жерлерде бұл көрсеткіш (шамамен 264 мың теңге) жоғары.
Облыстық білім басқармасы қаладағы мектеп мұғалімдерінің орташа жалақысы – 273 мың теңге, ал ауыл педагогтарының айлық ақысы 301 мың теңге екенін мәлім еткен.
