Қарағанды облысының Шет ауданында жолдың опырып қалуы жергілікті тұрғындар мен жүргізушілердің наразылығын тудырды .
Халықтың айтуынша, бұл учаске бірнеше ай бұрын ғана жөнделген, бірақ сапасыз жұмыс салдарынан асфальт қайта қираған. Қазір жолдың орта тұсы үлкен шұңқырға айналып, көліктер айналып өтетін жағдайға жеткен. Жүргізушілер әкімдік пен мердігер компанияның жауапсыздығын сынға алып отыр.
“Қанша рет ескерту жасадық, бәрібір уақытша ғана жамап кетеді,” – дейді ауыл тұрғындарының бірі.
Аудан әкімдігі мәселе бойынша тексеріс жүргізіліп жатқанын айтқанымен, нақты шешім немесе мерзім көрсетпеді. Ал тұрғындар биліктің әрекетін “сурет үшін жасалған жұмыс” деп бағалап, жол қауіпсіздігін қамтамасыз етуді талап етуде.
