"ҚазАвтоЖол" Абай облысы жүргізушілеріне ауа райының нашарлауына байланысты жолда абай болуды ескертті. Бұл туралы компанияның баспасөз қызметіне сілтеме жасаған KAZ.NUR.KZ хабарлайды.
"ҚазАвтоЖол" өкілдері 1 қараша күні сағат 20:00-ден 5 қараша күні сағат 20:00-ге дейін аймақта күн райына байланысты ескерту жариялады.
"4 қарашада түнде облыстың батысында, солтүстігінде, оңтүстігінде жауын-шашын (жаңбыр, қар), көктайғақ, күндіз жауын-шашын (жаңбыр, қар), көктайғақ болады күтіліп отыр. 5 қарашада қар жауып, жаяу бұрқасын, көктайғақ болады, облыстың батысында, солтүстігінде, шығысында қалың қар жауады. Облыстың солтүстігінде, шығысында тұман түседі. Оңтүстік-шығыстан соғатын жел оңтүстік-батысқа, батысқа ауысады, екпіні 15-20 м/c-қа, облыстың оңтүстігінде, шығысында кей уақыттарда 23-28 м/с-өа жетеді. Ауа температурасының 5 қарашада түнде және күндіз 5-10 аязға дейін төмендеуі күтіледі", — , делінген ресми хабарламада.
Ұлттық компания өкілдері көлік жүргізушілерін жол жүру ережелерін қатаң сақтап, ауа-райының қолайсыздығын ескеріп, ұзақ жолға шықпауға үндеді.
Мәтіннен қате тапсаңыз, бізге жазыңыз
