Мәжіліс архивтік іс жүргізу мәселелері аясында педофилия мен ЛГБТ мәселесіне қатысты жаңа заң жобасы қаралды . Отырыста заң жобасы депутаттар арасында қызу талқыланды.
Мәжіліс депутаты Жигули Дайрабаев балалар қауіпсіздігі мәселесінің қоғам үшін ең басты құндылық екенін атап өтті.
Ол: «Біздің дәстүрлі салт-дәстүрімізді ұрпаққа дұрыс жеткізсек, мұндай жағдай болмас еді. Бірақ шетелден келіп жатқан кейбір бағыттар қоғамымызға теріс әсер етуде. Сондықтан педофилияға қарсы қатаң шара қолдану – уақыт талабы», – деді.
Депутаттың пікірінше, педофилияға арналған жаза қатаң болуы тиіс: кінәлілер өмір бойы бас бостандығынан айырылуы немесе ең қатаң қылмыстық жауапкершілікке тартылуы керек.
«Бұл қылмыс балаларға жасалады, сондықтан қоғам ешқандай жеңілдік жасамауы керек», – деді ол.
Заң жобасында ЛГБТ мәселелері де қарастырылып, қоғамдағы моральдық және дәстүрлі құндылықтарды сақтау мақсатында нақты шектеулер енгізу ұсынылады. Мәжіліс отырысында заң жобасы қабылданса, бұл балалардың қауіпсіздігін қамтамасыз етудің құқықтық негізін күшейтеді деп күтілуде.
