Александр Лукашенко Беларусь қарулы күштерін жауынгерлік әзірліктің ең жоғары деңгейіне келтіруді бұйырды, деп хабарлайды Беларусь Қорғаныс министрлігінің сайтына сілтеме жасаған KAZ.NUR.KZ.
"Жауынгерлік әзірлікті тексеру аясында Қарулы күштердің Жоғарғы бас қолбасшысы – Беларусь президентінің тапсырмасына сәйкес, тексеру мақсатында әскерлерді жауынгерлік әзірліктің жоғары деңгейіне келтіру бойынша бірқатар іс-шара жүргізіліп жатыр", — делінген елдің Қорғаныс министрлігінің ресми хабарламасында.
Хабарламада Қарулы күштердің бірнеше бөлімшесі жауынгерлік әзірлікке келтіру бойынша бірқатар шараны жүзеге асыратыны, белгіленген учаскелерге бет алып, бұйрықта көрсетілген іс-шараларды орындайтыны сөз етілген.
Тексеруді Беларусь Қауіпсіздік Кеңесі Мемлекеттік хатшылығы қадағалайды.
Мәтіннен қате тапсаңыз, бізге жазыңыз
