Аудан бойынша барлығы 81 жеке балабақшаға тиесілі қаражат аударылмай 1847 жұмысшы жалақы алмаған .
Қызылорда облысы Жаңақорған аудандық прокуратурасы кәсіпкерлерден түскен шағым бойынша талдау жасап, соның нәтижесінде миллиондаған теңге жалақы қарыздары өндірілді, деп хабарлайды inbusiness.kz сайты.
Аудандық прокуратураның қадағалау актісімен осы жұмысшылар мен 81 кәсіпкердің бұзылған құқықтары қалпына келтіріліп, 720 млн теңгеге жуық қаржы өндірілді.
Бұған дейін де Арал ауданы прокуратурасы мониторинг жүргізу барысында Арал аудандық көпбейінді орталық ауруханасының 623 қызметкеріне 109 420 181 теңге жалақы қарызы толық төленіп, олардың конституциялық құқықтары қорғалған еді.
