Израиль әскері Газаның солтүстігіндегі тұрғындарға қаладан дереу кетуді ескертті.
Әскерилердің дерегінше, миллионға жуық халықтың шамамен 250 мыңы үйлерін тастап шыққан, деп жазады inbusiness.kz сайты 24.KZ телеарнасына сілтеме жасап.
Дегенмен, БҰҰ ұсынған дерек басқа. Ұйым мәліметі тамыз бен қыркүйек аралығында тек 100 мыңға жуық тұрғын ғана көшірілгенін растайды.
Ал, бұл арада гуманитарлық ұйымдар эвакуация жағдайды одан әрі қиындатады деп ескертеді. Өйткені Газаның оңтүстігінде қазірдің өзінде адам шамадан тыс көп. Қарапайым халықта көшуге қажетті қаражат жоқ.
