Әлеуметтік желіде қанға боялған орындықтың суреті тарап кетті.
Ақтауда тұрғындарды дүрліктірген төбелес болды. Әлеуметтік желіде қанға боялған орындықтың суреті тарап, жұртшылық арасында қылмыс пен адам өлімі болуы мүмкін деген болжамдар айтылды, деп хабарлайды Caravan.kz медиа порталы Azattyq Rýhy-на сілтеме жасап.
lada.kz-тің жазуынша, Маңғыстау облыстық полиция департаменті бұл ақпаратты жоққа шығарды. Құқық қорғау органдарының мәліметінше, төбелес кезінде екі ер адам пышақ жарақатын алған.
Полицияның ресми мәліметі
«Спирттік ішімдік ішу барысында ер адамдар арасында жанжал туындап, соңы төбелеске ұласты. Нәтижесінде екі азамат пышақ жарақатын алды. Олар ауруханаға жеткізілді», – деп хабарлады полиция.
Оқиға орнына жедел-тергеу тобы барып, тексеріс жүргізген. Қазіргі таңда күдікті ұсталып, уақытша ұстау изоляторына қамалды.
Желіде тараған фото
Instagram-дағы 112_aktau парақшасында жарияланған суретте қанды орындық арнайы лентамен қоршалғаны көрсетілген. Бұл кадр тұрғындардың үрейін тудырды.
