Украина Президенті Владимир Зеленский Ресей Президенті Владимир Путиннің Мәскеуде келіссөз өткізу ұсынысын қабылдамады, деп жазады inbusiness.kz сайты.
Зеленскийдің пікірінше, Путин мұндай ұсынысты кездесуді кейінге қалдыру үшін жасаған.
"Ол Киевке келе алады. Қазір соғыс жүріп жатқандықтан, Киевтен Мәскеуге бару орынды емес әрі ыңғайсыз. Егер мен оған міндетті түрде Киевке келсін десем, бұл да дұрыс болмас еді", – деді Украина президенті.
Ол Мәскеуге келе алмайтынын, себебі ел күн сайын зымыран соққыларына ұшырап жатқанын, ал Путиннің бұл жағдайды түсінетініне сенім білдірді.
