Футбол клубы «Қайрат» «Реал Мадридпен» болатын матчқа билеттер сату туралы мәлімдеме жасады, деп хабарлайды Skifnews.kz ақпарат порталы.
Клуб әлеуметтік желілерде таралып жатқан «Қайрат» – «Реал Мадрид» ойынына билеттерді сату немесе брондау жайлы кез келген ақпараттың жалған екенін атап өтті.
«Билеттерге қатысты ақпараттың жалғыз ресми дереккөздері – клубтың ресми сайты мен ФК «Қайраттың» әлеуметтік желілердегі ресми аккаунттары», – делінген ресми хабарламада.
Клуб өкілдері билеттердің сату күні мен бағасы әлі белгіленбегенін ескертті.
Жанкүйерлерге бөгде хабарландыруларға сенбеуге және бейресми арналар арқылы сатып алмауға кеңес беріледі.
