Алматылық "Қайрат" пен мадридтік "Реалдың" алдағы матчына қатысты жаңа деректер шықты. Күллі Қазақстан күтіп жүрген кездесуге билеттерді қайдан және қандай бағаға алуға болатынын KAZ.NUR.KZ материалынан біле аласыздар.
Бүгін, 30 тамызда "Қайрат" пен "Реалдың" кездесуі Алматыда 30 қыркүйекте өтетіні белгілі болды. Тарихи матч Орталық стадионда сағат 21:45-те басталады.
Қос команданың ресми сайттарында билеттердің сатылымы басталғаны туралы ақпарат әзірге жоқ. Алайда желіде билеттерге қатысты ақпараттар тарап жатыр.
Спорт Шредингера басылымы жанкүйерлерді алаяқтардың арбауына түсіп қалмау үшін тек ресми каналдарды қолдануға шақырады:
- клубтың Qairat SuperApp қосымшасы;
- "Қайрат" ФК сайты — "Билеттер" бөлімі;
- суперапп Freedom — "Билеттер" бөлімі;
- Ticketon сайты.
Оған қоса басылым билеттерді сатып алу қалай жүзеге асырылатынын түсіндірді. Сатылым басталғанда виртуалды кезек басталады (оның реті болмайды). Бос орындар минут сайын таусылып қалады. Сол себепті билет алып үлгеру үшін жылдам әрекет ету қажет. Сатылым онлайн түрде жүзеге асады, ал билеттер электронды түрде беріледі.
Ең арзан билет — 3000 теңгеден басталады. Алайда "Реалмен" болатын матчқа баға өсетіні анық.
Ticketkosta-ның мәліметінше, 7 мен 6-санаттағы билеттер 1250-1500 доллар (680-808 мың теңге) төңірегінде болады. 2-5 cанаттағы және VIP билеттедің бағасы әзірге хабарланған жоқ.
Мәтіннен қате тапсаңыз, бізге жазыңыз
