"Қазгидромет" РМК 30 тамызға арналған ауа райы болжамын ұсынды. Синоптиктер күн райының бұзылуына орай еліміздің басым бөлігінде ескерту жариялады, деп хабарлайды KAZ.NUR.KZ.
30 тамызда Астанада күндіз найзағай, бұршақ, дауыл күтіледі. Солтүстік-батыстан, батыстан жел соғады, күндіз екпіні 15-20 м/с. Жоғары өрт қаупі сақталады.
Алматы қаласында солтүстік-батыстан жел соғады, күндіз екпіні 15-20 м/с. Жоғары өрт қаупі сақталады.
Ақтөбе облысының солтүстігінде, шығысында солтүстік-батыстан жел соғады, күндіз екпіні 15-20 м/с күтіледі. Облыс бойынша жоғары өрт қаупі, облыстың оңтүстігінде төтенше өрт қаупі сақталады.
Батыс Қазақстан облысының шығысында, оңтүстік-шығысында, оңтүстігінде, орталығында жоғары өрт қаупі сақталады.
30 тамызда Жетісу облысында батыстан жел соғады, облыстың солтүстік бөлігінде екпіні 15-20, күндіз кей уақыттарда 23-28 м/с.
Солтүстік Қазақстан облысының солтүстігінде, шығысында, оңтүстігінде қатты жаңбыр, бұршақ, дауыл, найзағай күтіледі. Солтүстік-батыстан жел соғады, күндіз күші 15-20 м/с, облыстың оңтүстігінде, шығысында екпіні 25 м/с.
Қостанай облысының батысында, солтүстігінде, шығысында найзағай, күндіз облыстың солтүстігінде, шығысында найзағай, бұршақ күтіледі. Солтүстік-батыстан жел соғады, күндіз облыстың батысында, солтүстігінде, шығысында екпіні 15-20 м/с. Облыстың оңтүстігінде төтенше өрт қаупі сақталады.
Ақмола облысының солтүстігінде, шығысында қатты жаңбыр, бұршақ, дауыл күтіледі. Түнде облыстың солтүстігінде, шығысында, күндіз облыс бойынша найзағай болады. Солтүстік-батыстан жел соғады, күндіз екпіні 15-20 м/с, облыстың батысында, оңтүстігінде кей уақыттарда 23-28 м/с. Облыстың батысында, оңтүстігінде, шығысында жоғары өрт қаупі сақталады. Сондай-ақ 2-3 қыркүйекте облыстың солтүстігінде, шығысында түнде топырақ бетінде 2 градус үсік күтіледі.
30 тамызда күндіз Павлодар облысының батысында, солтүстігінде қатты жаңбыр күтіледі. Түнде облыстың батысында, оңтүстігінде найзағай, солтүстігінде бұршақ, дауыл болады. Солтүстік-шығыстан жел соғады, екпіні 15-20 м/с.
Маңғыстау облысының оңтүстігінде тұман күтіледі. Күндіз облыстың батысында, солтүстігінде, орталығында шаңды дауыл болады. Оңтүстік-шығыстан жел соғады, облыстың батысында, солтүстігінде, орталығында 15-20 м/с күтіледі. Күндіз 38-40 градус қатты ыстық күтіледі. Облыс бойынша төтенше өрт қаупі, облыстың батысында жоғары өрт қаупі сақталады.
Атырау облысының батысында, шығысында төтенше өрт қаупі, облыстың орталығында, оңтүстігінде, солтүстігінде жоғары өрт қаупі сақталады.
Алматы облысында оңтүстік-шығыстан соғатын жел солтүстік-батыс бағытқа ауысады, күндіз облыстың солтүстігінде, оңтүстігінде, таулы аудандарында екпіні 15-20, кей уақытта 25 м/с. Жоғары өрт қаупі сақталады.
30 тамызда күндіз Жамбыл облысында солтүстік-батыстан жел соғады, облыстың оңтүстік-батысында, солтүстік-шығысында, таулы аудандарында 15-20 м/с күтіледі. Облыс бойынша төтенше өрт қаупі сақталады.
Ұлытау облысының шығысында найзағай, күндіз шаңды дауыл күтіледі. Солтүстік-батыстан жел соғады, таңертең және күндіз облыстың солтүстігінде, шығысында, орталығында екпіні 15-20, кей уақыттарда 23 м/с. Облыс бойынша жоғары өрт қаупі сақталады.
Қызылорда облысының оңтүстігінде, солтүстігінде, орталығында шаңды дауыл күтіледі. Солтүстік-батыстан, солтүстіктен жел соғады, күндіз облыстың оңтүстігінде, солтүстігінде, орталығында күші 15-20 м/с күтіледі. Төтенше өрт қаупі сақталады.
30 тамызда Қарағанды облысының батысында, солтүстігінде, шығысында найзағай, күндіз дауыл күтіледі. Түнде және таңертең облыстың солтүстігінде, шығысында тұман. Солтүстік-шығыстан соғатын жел солтүстік-батысқа ауысады, күндіз екпіні 15-20, облыстың шығысында, оңтүстігінде кей уақыттарда 25 м/с. Облыс бойынша жоғары өрт қаупі сақталады.
Абай облысының батысында, солтүстігінде, орталығында найзағай, күндіз бұршақ, дауыл күтіледі. Оңтүстік-батыстан соғатын жел солтүстік-батысқа ауысады, облыстың батысында, оңтүстігінде, орталығында 15-20, екпіні 23 м/с. Облыс бойынша жоғары өрт қаупі сақталады.
Түркістан облысының солтүстігінде шаңды дауыл күтіледі. Солтүстік-батыстан солтүстік-шығысқа ауысатын жел соғады, таңертең және күндіз облыстың солтүстігінде, батысында, таулы аудандарында күші 15-20 м/с. Облыста төтенше өрт қаупі сақталады.
Шығыс Қазақстан облысының батысында, солтүстігінде, шығысында найзағай, күндіз бұршақ, дауыл күтіледі. Оңтүстік-батыстан соғатын жел солтүстік-батысқа ауысады, облыстың батысында, солтүстігінде, оңтүстігінде екпіні 15-20 м/с. Облыс бойынша жоғары өрт қаупі сақталады.
Айта кетерлігі, Абай, Ақмола, Шығыс Қазақстан, Қарағанды, Қостанай, Павлодар, Солтүстік Қазақстан облыстарында 2-4 қыркүйек аралығында 2 градус үсік күтіледі.
Мәтіннен қате тапсаңыз, бізге жазыңыз
