Полиция Алматы әуежайында жолаушыға қатысты болған оқиғаның мән-жайын айтты. Ер адам Астанаға ұшу керек болған, деп хабарлайды көліктегі ПД баспасөз қызметіне сілтеме жасаған KAZ.NUR.KZ.
Әуежайдың желілік полиция бөлімі басшысының орынбасары Өмірхан Садыров Т1 ішкі рейстер терминалында болған оқиғаға қатысты пікір білдірді.
Оның сөзінше, төтенше жағдай бойынша қылмыстық іс қозғалды.
"Алдын ала мәлімет бойынша, Алматы-Астана" рейсінің жолаушысы әуежайға келіп, рәсімдеуден өтіп, ұшаққа отырғызуды күтіп отырған. Алайда белгісіз себептермен ер адам ұшақ бортына бармай, төрт сағат бойы күту залында, сол жердегі кафеде болған. Содан кейін әжетханаға барып, өзіне пышақ жарақатын жасаған", — деді Садыров.
Оның айтуынша, әуежайдың медициналық қызметкерлері жолаушыға дер кезінде алғашқы көмек көрсетті. Кейін жедел жәрдем оны қалалық клиникалық ауруханаға алып кетті.
Айта кетейік, бүгін, 29 тамызда желіде Алматы әуежайында жолаушылардың бірі әжетханада өзіне зиян келтірмек болғаны туралы ақпарат тарады.
Мәтіннен қате тапсаңыз, бізге жазыңыз
