Алматыдағы Весновка каналында қызыл түсті су ағып жатыр
Бұл туралы Caravan.kz медиа порталы Sputnik .kz-ке сілтеме жасап хабарлайды.
Бұл көрініс қала халқының үрейін ұшырды.
«Бір апта бойы жаңбыр жауған жоқ, бірақ өзен қайтадан қызыл, улы суға айналды. Бұл – табиғат емес, бұл – суды улайтын және қала экологиясын құртып жатқан кәсіпорындардың шығарған заттары», — дейді қала тұрғыны әлеуметтік желіде тараған видеода.
Тұрғындар Балқаш-Алакөл бассейндік су инспекциясы мен Алматы қаласының прокуратурасына талап қойып жатыр.
«Суды улағандар мен кінәлілерді анықтаңыздар. Оларды жауапқа тарту керек», — дейді алматылықтар.
Бұл жағдайға қатысты Алматы қаласы бойынша экология департаментінің басшысы Данияр Әлімсейітов түсініктеме берді. Ол Sputnik Қазақстан тілшісіне күні кеше сынама алынғанын жеткізіп, оның нәтижесі туралы қосымша хабарланатынын айтты.
