Алматыда 85 жастағы әже Нұр-Мүбәрак университетіне оқуға түсті
Білім алу ешқашан кеш емес. Алматыда 85 жастағы әже Нұр-Мүбәрак университетіне оқуға түсті, деп хабарлады 31 арнаның Информбюро ақпараттық бағдарламасы.
Кейуана Исламтану мамандығын таңдапты. Университет басшылығы Нұрихан әжеге бір жыл шартты түрде ақылы бөлімде білім алуға рұқсат берген екен. Ал қария қаңтар айында тағы бір мәрте ҰБТ тапсырады. Егер сынақтан ойдағыдай өтсе, төрт жылдық толыққанды білімге жол ашылады.
Айта кетейік, Нұрихан әже бұған дейін Ұлттық бірыңғай тестілеуге қатысқанымен, компьютерді меңгеру дағдысы жеткіліксіз болғандықтан өте алмаған еді. Соған қарамастан білімге деген құштарлығы жастарға үлгі болды.
