Елімізде есірткі қылмысы әлі де өзекті мәселелердің бірі болып отыр. 2024 жылдан бастап вейптердің заңсыз айналымы үшін қылмыстық жауапкершілік енгізілді. Сонымен қатар есірткі бизнесін ұйымдастырушыларға жаза өмір бойына бас бостандығынан айыруға дейін күшейтілді, деп хабарлайды Egemen.kz.
Жыл басынан бергі жеті айдың ішінде есірткіге қатысты 4,6 мыңнан астам қылмыс әшкереленген. Құқық қорғау органдары 13 ұйымдасқан қылмыстық топты құрықтап, 11 тоннадан астам есірткі затын және 23 тонна химиялық затты тәркілеген.
Сонымен қатар экстремизмге қарсы іс-қимыл да басты назарда. 2025 жылы экстремистік сипаттағы 44 қылмыстық құқық бұзушылық тіркеліп, оның 23-і сотқа жолданған.
