Ішкі істер министрлігі Жамбыл облысында екі жасөспірімге қатыгездік көрсету фактісі бойынша тергеу аяқталғанын хабарлады.
Жапа шеккен балалар Тараз қаласындағы Балаларды қолдау орталығына орналастырылып, оларға психологиялық және құқықтық көмек көрсетілді, деп жазады inbusiness.kz сайты.
"Жамбыл облысы Талас ауданының тұрғынына қатысты екі кәмелетке толмаған баланы жүйелі түрде ұрып-соққаны үшін қозғалған қылмыстық іс тергеліп бітіп, айыптау актісімен бірге прокурорға жіберілді. Бұл істі сот қарайтын болады", – делінген хабарламада
Сондай-ақ жергілікті полиция қызметкерлеріне қатысты қызметтік тексеріс тағайындалды.
