Қылмыстық іс қозғалды.
Солтүстік Қазақстан облысында адам №51 түзеу мекемесіне психотропты затты кіргізбек болған, деп хабарлайды inbusiness.kz сайты.
Бұл туралы өңірдегі қылмыстық-атқару жүйесі департаменті мәлім етті. Белгілі болғандай, сотталғандардың біріне сәлемдеме келген. Оның ішінде дәретхана қағазы да болған. Кейін бұл қағаздың белгісіз затқа шыланғаны белгілі болды.
Сараптамаға жіберілген дәретхана қағазының құрамында PVP психотропты заты бар екені анықталды. Тәркіленген заттың салмағы – 0,04 грамм.
Осы сәлемдемені жіберген адамға қатысты Қылмыстық кодекстің 297-бабы бойынша іс қозғалды.
