2023 жылғы қарашада Салтанат Нүкенованың өліміне қатысты іс бойынша сотталған Қуандық Бишімбаевтың туысы Бақытжан Байжанов рақымшылыққа ілікті, деп хабарлайды KAZ.NUR.KZ.
Сот актісі заңды күшіне енгені туралы ақпаратты Ақмола облыстық сотының баспасөз қызметі растады.
Еске салсақ, бұған дейін Степногорск соты Салтанат Нүкенованың өліміне қатысты іс бойынша сотталған Бақытжан Байжановтың рақымшылық жасау туралы өтінішін қараған болатын.
"Қазақстан Конституциясының 30 жылдығына байланысты рақымшылық жасау туралы" Заңына сәйкес, сотталғанның жазасының өтелмеген бөлігі 1/3 бөлігіне қысқартылып, соңғы өтеу мерзімі 1 жыл 4 ай 17 күн деп белгіленді.
Мәтіннен қате тапсаңыз, бізге жазыңыз
