Аризонада медициналық ұшақ апатқа ұшырап, төрт адам қаза тапты, деп хабарлайды Egemen.kz CNN-ге сілтеме жасап.
Қайғылы оқиға Чинли қаласының маңында орын алды. Полицияның нақтылауынша, шағын ұшақ жақын маңдағы ауруханадан науқасты алып кетуге бара жатқан кезде апатқа ұшыраған.
«Ұлттық көлік қауіпсіздігі кеңесінің мәліметінше, ұшақ Beechcraft 300 компаниясына тиесілі болған», делінген хабарламада.
Полиция өкілдерінің айтуынша, апаттың себебі әзірге белгісіз.
