Павлодар облысында сағат 02:41-де "102" операторының пультіне Назарбаев даңғылы бойындағы үйдің тұрғыны қоңырау шалды.
"Көршілер дыбыс күшейткіштерін пайдаланып музыка тыңдайды. Шудан тіпті қабырғалар дірілдейді! Мен олармен демалу құқығы үшін күресуге көп уақыт жұмсаймын. Алдымен мен түнгі музыка әуесқойларымен ұзақ әңгімелестім: мен олардан өтініп сұрадым, ұрсып та айттым, соңында сіздерге жүгінуге тура келді", – деді қоңырау шалған әйел.
Полицейлер анықтағандай, бұл құқық бұзушылық қайталана берген. "Музыка әуесқойына" қатысты полиция қызметкерлері құқық бұзушылық туралы хаттама толтырды. Құқық бұзушы бұдан былай мұндай кеш уақытта музыка тыңдамаймын деп уәде берді.
Полицейлер атап өткендей, павлодарлықтар ұйқы құқығы үшін күресте полицияға жиі қоңырау шалуда. Айта кетейік, биылғы жылдың басынан бері полицейлер 4029 тыныштықты бұзғандарды жауапқа тартты.
Полиция заңға сәйкес жұмыс күндері сағат 09:00-ден 22:00-ге дейін, ал демалыс күндері сағат 10:00-ден 23:00-ге дейін шу шығаруға болмайтынын еске салады. Пәтерлерде ғана емес, кіреберістерде, аулаларда, балабақшалар, интернат үйлері, ауруханалар, санаторийлер, қонақ үйлер мен жатақханалар аумағында шу шығаруға тыйым салынады.
