Қостанайда автобус жүргізушісі қоғамдық көлікті куәліксіз тізгіндеген. Оны «Қорғау» интеллектуалды бейнебақылау жүйесі анықтады. Құқық қорғау органдары бұл заңды өрескел бұзу екенін және оның салдары ауыр болатынын ескертеді. «Қорғау» сынды бақылау жүйелері осындай жағдайларды тиімді анықтап, жол қауіпсіздігін қамтамасыз етіп келеді. Осы уақытқа дейін жүйе 232 әкімшілік заңбұзушылықты анықтаған.
Бауыржан Қасымқан, Қостанай облысының ПД баспасөз хатшысы:
Ер адам бұрын жүргізуші куәлігінен айырылған. Алайда соған қарамастан қоғамдық көлікті жүргізуді жалғастыра берген. Мұндай әрекет жолаушылар мен жол қауіпсіздігіне айтарлықтай қатер төндіреді. Жүргізуші әкімшілік жауапкершілікке тартылды. Автобус эвакуацияланып, арнайы тұраққа қойылды.
Мәдина Нағашыбай
