Мәжіліс депутаты, «Ауыл» партиясының төрағасы Серік Егізбаев Солтүстік Қазақстан облысының Айыртау ауданында болды. Сайлауалды бағдарламасында көрсетілген жобалардың жүзеге асу барысымен танысты. Ауылдарды аралап, тұрғындардың талап-тілектерін тыңдады. Сондай-ақ ЖШС «Саумалкөл Агро» кәсіпорнының ұжымымен кездесіп, жұмыс барысын көрді. Дәнді және бұршақ дақылдарын өсірумен айналысатын нысан аймақтағы өнімділігі жоғары кәсіпорындардың бірі. Депутат сала мамандарымен ауылшаруашылығындағы жетістіктер мен мәселереді талқылап, пікір алмасты.
Серік Егізбаев, ҚР Парламенті Мәжілісінің депутаты:
Соңғы үш-төрт күнде 6 ауданды аралап шықтық. Соның ішінде Мамлют ауданында және Аққайың, Шалақын аудандарында болдық. Алқаптар мен агротехниканың сақталуын, жалпы жұмыстың ұйымдастырылуын көріп жатырмыз. Уақыт басымдылығын қалаға емес, ауылға бөліп отырмыз.
Мәдина Нағашыбай
