Әлеуметтік желіде Атырау облысы Қызылқоға ауданының тұрғыны түсірген видео тарады. Видеода ер адам көлігінің капоты астына толып кеткен шегірткелерді көрсетеді. Көліктің айналасында да тас жолда қаптаған жәндіктерді көруге болады, деп хабарлайды Zakon.kz.
Роликтің авторы жүргізушілерді көліктің бұзылып жолда қалып кетпесі үшін радиаторларға қорғаныс торларын орнатуға шақырады.
"Міне, капоттың астында не болып жатқаның қараңыздар! Шегіртке барлық жерге кіріп алған, радиаторға да, қақпақтарға да. Барлықтарыңызға уақытша тор орнатуға кеңес беремін", — дейді видеодан тыс ер адам.
Атырау облысында аса қауіпті зиянкестердің дернәсілдері 2025 жылдың мамыр айының басында тіріле бастады, ал қазір ересектері далада, тас жолдарда қаптап, белсенді іс-қимылға көшкен. Облыстық ауыл шаруашылығы басқармасы түсіндіріп өткендей, аса қауіпті зиянкестермен күресу бойынша белсенді жұмыстар мамыр айының басында басталды. Бүгінгі таңда 38 413 гектар табын шегірткесіне қарсы және тағы 17 510 гектар табынға жатпайтын шегірткелерге қарсы өңдеу жұмыстары жүргізілді. Барлығы 55 мың гектардан астам жер қамтылды.
"Дернәсілдердің алғашқы тірілуі 6 мамырда тіркелді, ал 16 мамырдан бастап авиация, дрондар мен арнайы техниканы қолдана отырып ауқымды химиялық өңдеу жұмыстары қолға алынды. Бақылау үшін ультра жеңіл авиация, желдеткіш бүріккіштер, агродрондар және газ генераторлары қолданылды. Мониторинг мамандарды, зерттеушілер мен жұмыспен қамту орталықтарынан жұмысшыларды тарту арқылы жүргізілді", – деп хабарлады ведомстводан.
Қазіргі уақытта негізгі жұмыстар аяқталды, тазалау жұмыстары жүргізілуде.
Айта кету керек, дала аймағындағы итальяндық прус жайылымдық өсімдіктерді жақсы көреді, ал дәнді дақылдарға үлкен зиян келтіреді. Сондықтан жағдай фитосанитарлық қызмет пен аумақтық инспекцияның бақылауында қалады.
