6 шілде күні Қазақстан премьер-лигасының 15-турындағы барлық матчтар аяқталды. Солардың бірі Талдықорғанда өтті, онда жергілікті "Жетісу" командасы "Астанаға" есе жіберіп, 0:2 есебімен жеңіліп қалды, деп хабарлайды Zakon.kz.
Бұл жеңістің арқасында елордалық команда премьер-лиганың көшбасшысы атанды. Соңғы екі күнде бірінші орында тұрған "Қайрат" енді екінші орынға сырғыды.
Григорий Бабаянның шәкірттері қазір 37 ұпай жинап, қазіргі ел чемпионынан бір ұпайға алда келеді.
Посмотреть эту публикацию в Instagram
Публикация от "Астана" | FC Astana (@fca.astana)
Соңғы екі күнде Қазақстан чемпионатының 15-турында мынадай нәтижелер тіркелді:
- "Қызылжар" – "Ордабасы" – 0:0
- "Жеңіс" – "Ұлытау" – 2:0
- "Ақтөбе" – "Атырау" – 2:0
- "Елімай" – "Тобыл" – 2:3
- "Оқжетпес" – "Қайсар" – 4:2
Айта кетейік, 15-тур 4 шілде күні Алматының Орталық стадионында басталған болатын. Онда "Қайрат" Түркістанның "Тұран" клубын 4:0 есебімен ойсырата жеңді.
Бұған дейін ауыр атлет Ксения Прозорованың Азия чемпионатының жеңімпазы атанғанын жазғанбыз.
