Қазақстандық теннисші Елена Рыбакина (WTA рейтингінде 11-орында) Уимблдон-2025 турнирінде күтпеген жерден жеңіліп қалды, деп хабарлайды Zakon.kz.
Турнирдің үшінші айналымында Рыбакина Дания өкілі Клара Таусонмен (22-орын) кездесіп, бұл жұпта айқын фаворит саналған. Алайда матч екі сетте аяқталып, 6:7, 3:6 есебімен қарсыласына жол берді.
Осылайша, Клара Таусон Уимблдонның 1/8 финалына шықса, ал Елена Рыбакина турнирді аяқтады.
Айта кетейік, бұған дейін Қазақстанның бірінші ракеткасы армян теннисшісі Элина Аванесянды (49-орын) 6:2, 6:1 есебімен, ал грек теннисшісі Мария Саккариді (77-орын) 6:3, 6:1 есебімен жеңген еді.
