25 маусым күні Алматыдағы Панфилов және Қазыбек би көшелерінің қиылысында «BOOK VIBE» көрмесі өтеді, деп хабарлайды El.kz интернет порталы.
Қала әкімдігі іс-шара «ПрочиTime» жобасы аясында қалалық жастар саясаты басқармасының қолдауымен ұйымдастырылатынын атап өтті.
Келушілерге ұсынылады:
- Белгілі авторлар және жазушылармен кездесулер, олар кітапбы жайлы әңгімелейді;
- Жетекші баспалар қазіргі заманғы және классикалық әдебиеттің жаңа басылымдарының тұсауын кеседі;
- Әдебиетті тереңірек тануға көмектесетін «2 сурет — 1 кітап» интерактивті викториналары;
- Оқу мен мәдениетке байланысты тақырыптар бойынша әдеби пікірталастар мен талқылаулар;
- Қоғам белсенділерімен, жастар қозғалыстары мен «Кітап құмарлар» қозғалысының өкілдерімен кездесулер.
Кітап көрмесінің мақсаты — жастардың кітап оқуға деген қызығушылығын арттыру, әдебиетке деген сүйіспеншілікті дамыту, кітапты күнделікті өмірдің маңызды бөлігі ретінде көрсету, сондай-ақ білім, пікір және шығармашылық идеялармен алмасуға арналған алаң құру.
