Ay Yola тобының әншісі Адель Шайхитдинова Forbes басылымының 30 жасқа дейінгі ең перспективалы ресейліктер рейтингіне енді, деп хабарлайды Zakon.kz.
"30 жасқа дейінгі 30" атты жыл сайынғы жетінші рейтинг Forbes-тің ресми сайтында жарияланды. Қатысушылар спорт, өнер, медиа және басқа да он бағыт бойынша бағаланған. Адель бұл тізімде "Музыка" категориясы бойынша танылды.
"Forbes мәліметінше, "Homay" атты ән бір апта ішінде бір миллионнан астам тыңдалым жинап, Ресейде топ-10, Өзбекстан мен Әзербайжанда топ-5, ал Қазақстанда бірінші орынды иеленген. Наурыз айының соңында бұл трек Shazam-ның дүниежүзілік чартында ең танымал бес әннің қатарына еніп, Леди Гаганың "Abracadabra" композициясынан озып кетті", – делінген Forbes жариялаған мақалада.
Бұған дейін "Қазақстан аруы" байқауына трансгендерлердің қатыспайтындығын жазған болатынбыз.
