Еңбек министрлігі маусымдық шетелдік жұмысшылардың еңбек қызметін жүзеге асыруға арналған кәсіптер тізбесіне түзетулер дайындады, деп хабарлайды Zakon.kz.
Атап айтқанда, заңды тұлғаларға біліктілігі жоқ иммигранттарды құрылыс алаңдарына және қызмет көрсету саласына маусымдық шетелдік жұмысшы ретінде тартуға рұқсат беру жоспарлануда.
Осыған байланысты маусымдық шетелдік жұмысшылардың құрылыс және қызмет көрсету салаларында жұмыс істеуіне мүмкіндік беретін кәсіптер тізімі толықтырылуда.
Түсіндірілгендей, түзетулерді қабылдау заңды тұлғаларда жұмыс істейтін еңбек иммигранттарын көлеңкелі сектордан шығаруға мүмкіндік береді, сондай-ақ көші-қон заңнамасының бұзылуын азайтып, бюджетке түсетін түсімдерді арттырады.
Құжат 18 маусымға дейін қоғамдық талқылау үшін Ашық НҚА веб-сайтында орналастырылған.
