2025 жылы 9 маусымда кешке Мемлекет басшысы Қасым-Жомарт Тоқаев Болгария президенті Румен Радевті елорда әуежайынан шығарып салды, деп хабарлайды Zakon.kz.
Бұл туралы Ақорда хабарлап, Болгария президенті Румен Радевті елорда әуежайынан шығарып салу сәтінің суреттерімен де бөлісті.
2025 жылғы 9 маусымда Ақордада Қазақстанға ресми сапармен келген Болгария Президенті Румен Радевті салтанатты түрде қарсы алу рәсімі өтті.
Мемлекет басшысы Қасым-Жомарт Тоқаев пен Болгария Президенті Румен Радевтің келіссөздері аяқталғаннан кейін қол қойылған екіжақты құжаттармен алмасу рәсімі өтті. Қазақстан президенті Қасым-Жомарт Тоқаев пен Болгария президенті Румен Радев баспасөзге бірлескен мәлімдеме жасады. Тоқаев Румен Радевке Астанаға ресми сапармен келуге шақыруды қабыл алғаны үшін алғыс білдірді. Мемлекет басшысы "Қазақстан – Болгария" бизнес-форумына қатысты. Өз сөзінде Қасым-Жомарт Тоқаев "Қазақстан – Болгария" бизнес-форумына белсене қатысқаны үшін Румен Радевке және болгар кәсіпкерлеріне алғыс айтты.
